СОУ,,Ѓорче Петров”-Прилеп и Активот по Текстилство
во соработка со професорката Марта Макеска и модниот креатор
Дејан Сидор објавуваат:
К Р Е А Т И В Е Н К О Н К У Р С
,,Јелена Крстиќ’’
на тема: „ИДОЛ ОД ГРАДОТ“
Во спомен на нашата прерано почината ученичка Јелена Крстиќ и оваа година го објавуваме конкурсот со кој се промовира модата, модниот дизајн, талентот, креативноста и вештините на учениците од СОУ,,Ѓорче Петров‘‘ , Прилеп.
Учениците учесници треба да нацртаат, дизајнираат и изработат модни цртежи и модни додатоци на зададената тема.
Критериуми за учество:
- Да се редовни ученици во прва, втора, трета или четврта година од сите квалификации во СОУ,,Ѓорче Петров‘‘;
- Да покажуваат афинитет кон дизајн и работа со различни видови на материјали и ликовни техники
Учениците – учесници треба да изработат и достават:
- Моден цртеж со примена на техника по слободен избор
- Моден додаток во склад со темата изработен од стандарден и/или рециклирачки материјал
- Испечатена фотографија од изворот на идејата –идолот
Во творбите треба да бидат внесени следните податоци:
– име и презиме на авторот
– паралелка
Конкурсот ќе биде отворен во периодот од 10.11.2023 до 15.12.2023 г.
!!! Изработените творби да се достават до одговорните професори во предвидениот рок, а фотографиите од изработките да се испраќаат на меил адресата: konkurscrtez@gmail.com
За авторите на најдобрите творби следуваат симболични награди.
