СОУ „Ѓорче Петров“ од Прилеп е едно од дваесет и четирите училишта во државата кое беше прогласено за еТвининг училиште за 2023-2024 година. Плакетата, втора по ред, е признание за успешно работење, вклученост, иновативност, размена на идеи и практики со училишта ширум Европа.
еТвининг како дел од Европската платформа за училишно образование нуди широк спектар на можности. Користејќи го, наставниците, училишниот кадар и учениците можат да развиваат соработка на виртуелни проекти со колеги и врсници од европски училишта, но и професионално да се надоградуваат.
