Нашето училиште има ново одобрен проект за стручно образование и обука на ученици и наставници.
Проектот е одобрен од Националната агенција за европски образовни програми и мобилност, во рамките на програмата Еразмус+, КА121-COO – Акредитирани проекти за мобилност на ученици и вработени (кадар) во полето на стручно образование и обука, со регистарски број 2025-1-MK01-KA121-VET-000309131.
Во рамките на проектот се предвидени следните мобилности:
- Мобилност на ученици во периодот од 25 март до 8 април 2026 година, со учество на 20 ученици и 3 придружни наставници.
- Мобилност на наставници во периодот од 25 март до 31 март 2026 година, со учество на 8 наставници, која ќе се реализира на Универзитетот Кајсери Ерџиес во Турција.
Проектот има за цел унапредување на стручните компетенции на учениците и наставниот кадар, преку стекнување нови знаења, практични вештини и размена на искуства во европски контекст.
Координатор на проектот: Неда Ченто