Тамара Тодороска – престојот во Босна


Нашата ученичка Тамара Тодороска од 2-2кл. за својот престој во Р. Босна во мај 2016г.

13115431_1295130803848795_1579177659_n

Благодарение на мојот класен раководител Слободан Петкоски, кој ме предложи заради мојот одличен успех, благодарение на останатите професори кои го поддржаа неговиот предлог и секако, благодарение на директорот Дејан Димоски кој го прифати сето тоа, јас заедно со други деца од сите основни и средни училишта во градот, заминав на незаборавно патување во Република Босна и Херцеговина. Сето тоа ни го овозможи Детската Амбасада „За сите деца во светот“ која неколку години непрекинато работи на проектот „Градиме мостови на пријателства“. Покрај големиот број роднини и пријатели, нас во Р.Босна и Херцеговина не испрати и градоначалникот на град Прилеп, г-динот Марјан Ристески, кој ни посака да имаме убаво дружење и да се вратиме со нови знаења. Кога стигнавме во БиХ прво го посетивме градот Мостар. Иако врнеше, успеавме да се запознаеме со дел од убавините на овој град, како што се: Саат кулата, Караѓорѓева џамија, Мехмет-пашина џамија и секако, Стариот мост на реката Неретва. Оттука се упативме кон Врелото на Босна, а веќе вечерта пристигнавме во Сараево. Веќе наредниот ден бевме во посета на Македонската Амбасада во Сараево, каде што топло бевме пречекани и угостени од страна на г-динот Александар Крстески. Тој ни објасни кои се задачите на еден амбасадор, ни раскажа нешто за Амбасадата и некои други работи поврзани со Амбасадата. После оваа топла гостопримливост, ние бевме срдечно пречекани и од страна на НГО „Наши деца“-Сараево. Таму преку игра успеавме да се запознаеме со деца од друга вера и националност, а потоа секој пар т.е. секој од партнерите требаше да го презентира она што го дознал за својот партнер. Таму поминавме прекрасни два часа. Иако не сакавме, моравме да си заминеме, бидејќи требаше да посетиме и други знаменитости: олимпискиот музеј и маскотата „Вучко“, местото на атентатот на Франц Фердинанд, црквата Св.Троица, катедралата Срце Христово, улицата „Казанџулук“, позната по многубројните мали дуќани, останати уште од времето на Отоманската Империја, историскиот музеј, Баш – чаршија каде што имавме можност да ги вкусиме прочуените босански ќебапчиња и Вилсоновото шеталиште. Како и сите младилуѓе, ние најмногу уживавме пазарејќи во трговскиот центар Ал Шиди. Времето многу брзо помина, заврши нашето петдневно дружење. При враќањето во нашата татковина не можевме, а да не го посетиме мостот на Дрина во Вишеград и да јадеме во ресторан покрај реката, уживајќи во природните убавини и чистиот воздух. Иако кратко време бевме заедно, ние ќе продолжиме и понатаму да се дружиме и да го зацврстуваме мостот на пријателство кој го изградивме во текот на овие пет денови.

13330306_1295130110515531_870647293_n 13319011_1295130287182180_226834709_n 13318991_1295130137182195_1062437427_n 13318617_1295130117182197_824758389_n 13318500_1295130827182126_1533357334_n 13318475_1295130123848863_1053210767_n 13296164_1295130343848841_555636152_n 13295174_1295130793848796_425487820_n 13289001_1295130843848791_1139927715_n 13288852_1295130270515515_1461133763_n 13282817_1295130323848843_319959572_o 13282152_1295130283848847_2092502583_n

Leave a comment

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>